‘Aty ku e pinte kafen Rugova’, sekretari i ish-presidentit rrëfen kujtimet

Adnan Merovci ka qenë një prej bashkëpunëtorëve më të afërt të ish-presidentit Ibrahim Rugova.

Ai zhvilloi një bisedë me Euronews Albania pikërisht aty ku pinte kafen Rugova, për të na rrëfyer dhe karakteristikat e ish-presidentit legjendar.

Sipas Merovcit, ajo qe e karakterizonte ishte qetësia edhe në momente të vështira. Këtë veti e ka vënë re kur është provokuar me fjalë nga një qytetar serb në Zvicër, por edhe në takime e momente të tjera të rëndësishme për fatin e Kosovës.

Merovci sjell në vëmendje gëzimin e Rugovës pas fillimit të bombardimeve të NATO-s kundër forcave serbe.

Sekretari kujtoi gjithashtu qëndrimin dhe marrëdhënien e ish-presidentit me Shqipërinë. Sipas tij, Rugova kishte si opsion bashkimin kombëtar edhe pse më shumë preferonte dy shtete të forta me bashkëpunim të ngushtë.

Dr. Ibrahim Rugova ishte studiues dhe kritik letrar. Ne fund te viteve 80 ai hyri ne politike, duke u bere kryetari i pare i Lidhjes Demokratike të Kosovës e cila në atë kohe ishte një lëvizje gjithë kombëtare që për qëllim kishte pavarësinë e Kosovës nga ish-federata jugosllave.

LEXONI GJITHASHTU:

• 13-vjetori i pavarësisë, ceremoni festive dhe homazhe te Rugova e Jashari