Australian Open: Avancojnë më tej Alcaraz e Djokovic, bind edhe gjermani Zverer

Favoritët për fitimin e Australian Open nuk kanë zhgënjyer në fazën e 1/16 të kompeticionit, duke kaluar pa problem më tej. Emra si Djokovic, Zverer dhe Alcaraz mposhtën lehtësisht kundërshtarët e tyre, duke u konfirmuar si kandidatët kryesorë për të shkuar deri në fund të garës. Spanjolli Alcaraz dhuroi spektakël ndaj Borges, duke e mposhtur këtë të fundit me shifrat 3-1. Seti i parë u mbyll 2-6 dhe i dytë 4-6 në favor të Alcaraz, ndërsa në setin e tretë, portugezi Borges reagoi dhe triumfoi 7-6. Seti final u fitua nga numri 3 i botës, i cili avancoi më tej.

Dy rivalët e tjerë fituan me rezultatin e pastër 3-0 ndaj kundërshtarëve të tyre, në një dominim absolut. Novak Djokovic fitoi ndaj cekut Mahac, ndërsa Zverer fitoi ndaj tenistit britanik Fernlej. Sa i përket fazës tjetër, serbi përballet me një njohje të vjetër si Lehecka, ndërsa francezi Humbert pret Alex Zverer.

Këto duele do të luhen më 19 janar, ndërsa më herët do të zhvillohen disa sfida të tjera që do të konfirmojnë emrat e atyre që avancojnë në fazën e 1/8 të kompeticionit.

LEXONI GJITHASHTU:

• Rafael Nadal njofton tërheqjen nga tenisi profesionist
• Hapet në Shqipëri Qendra Sportive Rafa Nadal, Rama: U vlen fëmijëve dhe të rinjve