Austria mbështet “Ruandën”|Kancelari Nehamer takon Sunak: Pro dëbimit të emigrantëve

Kancelari austriak vlerësoi planin britanik për të dërguar emigrantët jashtë Evropës, duke e cilësuar si një plan “pionier”. Opinionin e tij, Karl Nehamer e bëri publik nga Vjena, ku priti kryeministrin britanik Rishi Sunak.

Austria dhe Mbretëria e Bashkuar pranuan të bashkëpunojnë për ndryshimin e sistemit ligjor evropian për të lejuar dëbimin e emigrantëve në vende të treta.

“Tani, me partneritetin me Britaninë mund të arrijmë një ndryshim real në procesin e diskutimit. Prandaj dhe Austria do ta mbështesë Britaninë sa herë që të mundet”, tha Karl Nehamer, kancelar i Austrisë.

“Praktikat e zakonshme nuk e zgjidhin këtë problem. Duhet të bëhemi kreativë, të ndjekim ide të reja, zgjidhje të reja si skema britanike për largimin e emigrantëve në vende të treta të sigurta”, tha kryeministri i Mbretërisë së Bashkuar, Rishi Sunak.

Austria është mes 15 vendeve të BE-së që bën thirrje për më shumë akorde me vendet prej nga nisen emigrantët. Ky apel ka ardhur pasi shtetet anëtare miratuan reforma të reja për azilkërkuesit.

LEXONI GJITHASHTU:

• A do ta varrosë Sunak krijimin më të madh të Churchill pas luftës?
• Britani| Ditë e zezë për konservatorët, partia e kryeministrit Sunak pëson disfatë