Një aksident rrugor është regjistruar mëngjesin e sotëm në aksin kombëtar Elbasan-Peqin, në afërsi të fshatit Vidhas. Në aksiden janë përfshirë një autoveturë dhe një autobus, të cilët janë përplasur mes tyre, duke shkaktuarplagosjen e disa personave.

Si pasojë e përplasjes, autobusi ka dalë nga rruga, ndërsa autovetura ka pësuar dëmtime të konsiderueshme. Në vendngjarje kanë mbërritur me urgjencë dy autoambulanca, të cilat kanë transportuar të lënduarit drejt spitalit për trajtim mjekësor.

Burime paraprake bëjnë me dije se disa persona kanë mbetur të plagosur, por ende nuk ka informacion zyrtar mbi gjendjen e tyre shëndetësore apo numrin e saktë të të dëmtuarve.

Policia dhe shërbimet zjarrfikëse ndodhen në vendngjarje dhe po punojnë për sqarimin e plotë të rrethanave të aksidentit. Shkaqet e përplasjes mbeten ende të paqarta, ndërsa pritet një njoftim zyrtar nga autoritetet për më shumë detaje.