Automjeti futet mes turmës në Los Angeles, 20 të plagosur, 5 në gjendje të rëndë

Të paktën 20 persona janë plagosur pasi një automjet përplasi një turmë njerëzish në Los Angeles, raporton të shtunën New York Times.

Departamenti i Zjarrfikësve të Los Angelesit njoftoi se pesë nga të plagosurit ndodhen në gjendje kritike për jetën.

Incidenti ndodhi në Santa Monica Boulevard rreth orës 2 të mëngjesit sipas orës lokale, tha një raport i Bloomberg.

Pamjet tronditëse nga vendi i ngjarjes tregonin njerëz të shtrirë në rrugë pranë një makine gri të shkatërruar në trotuar jashtë The Vermont Hollywood.

Mbi një duzinë ambulancash, zjarrfikësish dhe ekipe të specializuara shpëtimi shkuan në vendngjarje.