Automjeti përplaset me motorin në Sarandë, humb jetën 35-vjeçari

Një aksident është regjistruar pasditen e sotme në Qafë Gjashtë të Sarandës, ku një person ka humbur jetën.

Sot, rreth orës 14:30, në rrugën “Skënderbeu”, Gjashtë, Marsel Kasi rreth 35 vjeç, duke drejtuar motomjetin, ka humbur kontrollin mbi drejtimin e tij dhe si pasojë është përplasur me automjeti tip “Ford” me drejtues shtetasin Taulant Bita, 45 vjeç.

Si pasojë e aksidentit ka ndërruar jetë drejtuesi i motomjetit shtetasi Kasi.

Drejtuesi i automjetit tip “Ford”, Bita është shoqëruar për veprime të mëtejshme procedurale.

Mësohet se viktima ka pasur një çarje të madhe në kokë, ndërkohë Euronews Albania ka siguruar dhe pamje nga vendi i ngjarjes.

Grupi hetimor po punon për përcaktimin e shkakut të aksidentit.

LEXONI GJITHASHTU: 

• Përplasja në PD, a mund të shkojë sërish në gjykatë debati për vulën e partisë?
• ​Gjendje e rëndë nga vërshimet në Pejë, preken familjet dhe bizneset