Autori i drejtoi armën, 31-vjeçari tentoi t’ia marrë, si u plagos shqiptari në Greqi

Janë zbardhur detaje të reja lidhur me plagosjen e një shtetasi shqiptari mbrëmjen e djeshme në Selanik. Ngjarja ndodhi në afërsi të “Kafe Elinikon” në rrugën “Sintagmatarxi Frizi”. Marius Telah, 31 vjeç nga Korca ka mbërritur aty me një automjet tip “Daihatsi Terios” së bashku me vëllanë e tij Klaudio Telah dhe të dashurën e tij, shtetasen greke A. B.

Ai ka zbritur nga mjeti dhe është përballur me një shtetas shqiptar, i cili ishte bashkë me babanë e tij dhe një person tjetër. Shqiptari i dyshuar ka nxjerrë një armë zjarri dhe ja ka drejtuar 31 vjeçarit Telah, ndërkohë që ky i fundit ka tentuar t’ia marrë nga dora.

Të dy personat janë goditur me njërin tjetrin dhe në një moment, i dyshuari ka goditur me qytën e armës në kokë 31 vjeçarin dhe më pas ka shtënë ndaj tij duke e plagosur në kofshën e këmbës së majtë.

Shoku i tij më pas e ka goditur Telahin me shkelma në trup dhe të dy janë larguar me vrap nga vendi ngjarjes. Brenda mjetit të të plagosurit, policia greke gjeti dhe sekuestroi 1 gëzhojë, 1 plumb, 1 krehër dhe 4 fishekë.

LEXONI GJITHASHTU

• Masakroi me thikë gruan shtatzënë, shqiptari poston video në Tik Tok pas vrasjes
• “Do të nxjerr videot” Vrasja e gruas shtatzënë, lidhja jashtëmartesore me shqiptarin