Fotoja e largimit të vrasësit të Nikulaj, shpresë për gjurmë gishtash

Euronews Albania ka mësuar detaje të reja në lidhje me atetentatin mafioz, ku u vra brenda lokalit të tij biznesmeni i njohur në Shëngjin, Ardian Nikulaj.

Mësohet se autori i cili shkrepi 7 plumba në drejtim në Nikulaj, nuk ishte i pajisur nga njëra dorë me dorashkë, çka po bën që grupi hetimor të shpresojë për gjetjen e një gjurme gishtash.

Euronews ka mundur të sigurojë dhe një foto të autorit në momentin e largimit drejt Shkodrës.

Autori shihet me skafandër, maskë, dhe mban në trup një jelek fosforeshent.

Ardian Nikulaj u vra me armë zjarri të mërkurën në biznesin e tij në Shëngjin. Ngjarja ndodhi në lokalin “Coral” në pedonale të Shëngjinit, që është në pronësi të viktimës.

Prej 2019-ës ishte anëtar i Këshillit Bashkiak të Lezhës dhe rikandidonte sërish për në këshill në zgjedhjet e 14 Majit. Prokuroria po heton të paktën në dy pista; Hasmëria me fisin Palaj pasi në vitin 1999, Ardian Nikulajt i kanë vrarë vëllanë dhe disa vite më pas nga Palajt janë vrarë dy anëtarë të familjes.

Policia ka kryer kontrolle në 3 banesat e familjes Palaj në Lezhë, por askush nuk është gjetur pasi siç behet e ditur nga fqinjet  anëtarët e kësaj familje ndodhen jashtë vendit prej disa vitesh. Por nuk përjashtohen as pistat e konflikteve në biznes, apo për shkak të angazhimit të tij në politik.

LEXONI GJITHASHTU:

• “Si je Ardian”- Zbardhet komunikimi i vetëm mes autorit dhe viktimës në Shëngjin
• FOTO| U vra në Shëngjin, kush është Ardian Nikulaj: Kandidat për Këshillin Bashkiak
• Vrasja e biznesmenit, policia blindon Shëngjinin, kontrolle në hyrje-dalje