Autoriteti i Konkurrencës ka pezulluar rritjen e çmimit të patentës. Vendimi u mor gjatë mbledhjes së mbajtur këtë të premte, ku u shpall në kundërshtim me “ligjin për mbrojtjen e konkurrencës”, marrëveshja e arritur mes DPSHTRR, shoqatave të autoshkollave dhe Tatimeve rritja e çmimit.

Autoritieti vlerëson se marrëveshja do të pengojë, kufizojë dhe shtrembërojë  konkurrencën në treg dhe si e tillë ajo duhet të ndalohet

Sa më sipër, Komisioni i Konkurrencës, mori vendimin nr. 970, datë 24.03.2023:

• Akt Marrëveshja nr. 2729 prot., datë 13.02.2023, e lidhur ndërmjet palëve: Drejtoria e Përgjithshme e Shërbimeve të Transportit Rrugor, Shoqata “Kombëtare e Autoshkollave”, Shoqata e Autoshkollave “Siguria në rrugë” dhe Drejtoria e Përgjithshme e Tatimeve, vlerësohet si një akt marrëveshje në kundërshtim me nenin 4 të ligjit 9121.2003, “Për mbrojtjen e konkurrencës”.
• Monitorimin e tregut të shërbimit të përgatitjes dhe pajisjes me leje drejtimi, sipas kategorisë së lejedrejtimit, dëshmisë ose çertifikatës, për një periudhë 1 (një) vjeçare.
• Moszbatimi i këtij vendimi përbën shkelje të rëndë të konkurrencës në kuptim të nenit 74, pika 1, gërma c), të ligjit nr. 9121/2003.

LEXO GJITHASHTU:

• U konfliktua për pronën, 45-vjeçari rrëmben kallashin dhe fillon të shtënat
• Kërkohej nga FBI për mashtrime miliarda $, arrestohet “mbretëresha e kriptovalutës”