Avdullah ​Hoti: Puna e zyrtarëve në kuadër të Task-Forcës vazhdon pa asnjë ndryshim

Pavarësisht vendimit për shuarjen e Task-Forcës Antikorrupsion, kryeministri i Kosovës, Avdullah Hoti thotë se puna e zyrtarëve vazhdon pa asnjë ndryshim në trajtimin e lëndëve të krimit dhe korrupsionit.

“Puna e zyrtarëve që kanë qenë në kuadër të Task Forcës në Policinë e Kosovës vazhdon pa asnjë ndryshim në trajtimin e lëndëve të krimit dhe korrupsionit, sipas udhëzimeve të Prokurorisë Speciale”, thekson Kurti.

Me një shënim në faqen zyrtare në “Facebook”, Hoti ka thënë se zyrtarët vazhdojnë të kryejnë detyrimet e tyre ligjore sipas organizimit të brendshëm të Policisë së Kosovës.

Ai siguron qytetarët se në këtë proces nuk ka asnjë ndërhyrje të jashtme. 

“Të gjithë ata zyrtarë vazhdojnë të kryejnë obligimet e tyre ligjore sipas organizimit të brendshëm të Policisë së Kosovës pa asnjë ndërhyrje nga askush. Kushdo që ka dyshime për këtë, le të përdorë të gjitha mjetet ligjore për të kërkuar mbikëqyrje dhe sqarime për punën e secilit”, shkruan Hoti.