Avioni privat rus rrëzohet në Afganistan, humbasin jetën dy persona

Talibanët njoftuan të hënën se dy persona vdiqën dhe katër të tjerë u shpëtuan pas rrëzimit të një avioni privat rus në Afganistan.

Një aeroplan u rrëzua të shtunën në një zonë malore në provincën Badakhshan, rreth 250 kilometra në verilindje të kryeqytetit të Afganistanit, Kabul. Ekipet e shpëtimit u dërguan në zonën e largët rurale që është shtëpia e vetëm disa mijëra njerëzve.

Të hënën, zëdhënësi kryesor i talebanëve, Zabihullah Mujahid, postoi video në X, të njohur më parë si Twitter, duke treguar katër anëtarët e ekuipazhit të shpëtuar. Ai tha se atyre iu dha ndihma e parë dhe po transferoheshin nga Badakhshani në Kabul. Ai shtoi se të mbijetuarit ishin në gjendje të mirë shëndetësore.

Autoritetet lokale në Badakhshan thanë se trupat e dy të vrarëve në aksident do të nxirren nga vendi. Talebanët nuk kanë identifikuar asnjë nga gjashtë viktimat e aksidentit. Ministria e Transportit dhe Aviacionit Civil të Talibanëve tha në një deklaratë në internet se avioni u gjet në rrethin Kuf Ab, pranë malit Aruz Koh.

LEXONI GJITHASHTU:

• Aksidenti tragjik në Japoni/ Pilotët: Nuk e pamë avionin tjetër deri kur u përplasëm
• Ndalohet avioni me 300 pasagjerë në Francë, dyshime për trafikim të njerëzve