Temë e emisionit Review në Euronews Albania këtë të shtunë ishin kërcënimet e fundit që u janë bërë prokurorëve në Shqipëri, nga banda e Laert Haxhiut.

I ftuar në emision, avokati Ledio Braho tha se edhe avokatët janë të kërcënuar në Shqipëri, pasi shihen si armiq nga pala kundërshtare në gjyq.

Ai tha se në rastet e çështjeve penale, avokatët shihen si persona që mund të prishin interasat e grupeve kriminale që janë në rivalitet me klientin që përfaqësojnë.

Sipas tij kjo vjen si pasojë e mungesës së një kulture juridike.

“Situata është e njëjtë si për avokatët ashtu dhe për gjyqtarët dhe prokurorët. Të njëjtin presion ndiejmë. Nuk është vetëm çështje e një krimineli që bën presion, por dhe në gjyqet civile avokati shihet nga pala kundërshtare sikur e ke personale çështjen. Ti shkon mbron intersat e klientit, bën mbrojtje juridike dhe nga pala tjetër shihesh si armik. Është dhe çështje e mungesës së një kulture juridike, të cilën ne nuk e kemi. Tjetra ka të bëjë me faktin se në çdo rast se avokatët janë të anatomuar në publik gjatë këtyre 30 viteve. Po të vësh re çdo rast fillohet me sulme ndaj avokatëve, “janë të paaftë”, “janë sekseserë”, “janë këta që kanë shkatërruar sistemin” dhe krijohet një përshtypje se nëse i ndodh diçka një avokati shihet si një veprim i moralshëm pavarësisht se është i paligjshëm. Dhe kjo është arsyeja pse avokatët ndihen të kërcënuar. Në rastin e çështjeve penale situata është dhe më e komplikuar, për shkak të luftës që ka mes grupeve kriminale, pasi me mbrojtjen tënde mund të cënosh interesat e një grupi tjetër kriminal”, tha Braho.

LEXONI GJITHASHTU:

• Deklarata e ish-prokurores Imeraj: Ja pse ‘21 Janari’ dhe “Gërdeci” nuk u hetua
• Kërcënimi ndaj gjyqtarëve/ Eksperti: Mbrojtja nuk është fizike është inteligjencë