Avokati i Popullit i kërkon ZRRE-së t’i pezullojë vendimet për rritjen e energjisë

Institucioni i Avokatit të Popullit i ka kërkuar të mërkurën Zyrës së Rregullatorit për Energji (ZRRE) t’i pezullojë vendimet për rritjen e çmimit të rrymës deri në përfundimin e hetimeve lidhur me ankesat e qytetarëve.

Rregullatori i energjisë e miratoi më 11 prill rritjen e çmimeve për tarifat e energjisë elektrike për 16.1 për amvisëri dhe biznese që kanë deri në 50 punëtorë, duke nxitur protesta.

Tarifat e reja u miratuan më 16 prill dhe do të hyjnë në fuqi nga 1 maji.

Në një reagim në Facebook të mërkurën, Avokatit të Popullit tha se rritja e tarifave ka ndikim të drejtpërdrejtë në të drejtat themelore të njeriut, “duke rënduar veçanërisht grupet më të cenueshme dhe familjet në asistencë sociale”.

LEXONI GJITHASHTU:

• Kosovë/ ZRRE-ja pritet të vendos sot për rritjen e çmimit të energjisë
• Kosovë| ZRRE propozon shtrenjtimin e energjisë elektrike për rreth 15%