Avokati i Popullit ngre grup pune për vetëvrasjen e të burgosurit në Durrës

Institucioni i Avokatit të Popullit ka reaguar në lidhje me ngjarjen e rëndë të ndodhur këtë të hënë, ku një i burgosur i dha fund jetës duke u vetëvarur në burgun e Durrësit.

Avokati i Popullit deklaroi se një ekip i përbërë nga Komisioneri dhe Ndihmës komisionerë të Mekanizmit Kombëtar për Parandalimin e Torturës po kryejnë verifikime në vendin e ngjarjes.

Në reagim, u bëhet thirrje nstitucioneve shqiptare që të marrin masat e nevojshme për të garantuar jetën e personave që vuajnë dënimin.

Viktima, Roland Hasani ishte në kushte të rënduara psikologjike në momentin që kreu aktin e rëndë, teksa në qelinë e tij ka qenë edhe një tjetër i burgosur, i cili ishte në gjumë.

44-vjeçari vuante prej disa kohës nga probleme të shëndetit mendor dhe ishte dënuar për vrasje.

LEXONI GJITHASHTU

• Vetëvaret në qeli i burgosuri në Durrës