Avokati Rumano sqaron ligjin: Pse arrestimi i Fredi Belerit është i paligjshëm

Avokati Gentian Rumano tha për “Review” në Euronews Albania se duhet t’i referohemi një deklarate nga ana e prokurorit të Prokurorisë së Vlorës dhe qëndrimit të avokatit të Fredi Belerit për të bërë dhe një analizë më të detajuar të situatës.

“Ndodhemi përpara veprimeve hetimore nga ana e Prokurorisë së Vlorës në kuadrin e një veprimi simulues, që do të thotë mbi çështjen ka disa dyshime mbi bazën e procedimit penal që është regjistruar pranë kësaj prokurorie dhe mbi bazën e këtyre dyshimeve kanë filluar veprimet hetimore.

Padyshim që veprimet hetimore janë speciale dhe duhen bërë nëpërmjet përgjimeve ambientale dhe personi që autorizohet nga ana e prokurorisë për të kryer veprimin e simuluar duhet të shkojë pranë personit që dyshohet se po kryen këtë vepër penale dhe të veprojë duke kërkuar prej tij, apo duke pranuar kryerjen e një veprimi kriminal.

Ajo që e bën shumë dyshuese këtë situatë, sipas pretendimeve të avokatit, jemi përpara një veprimi që është provokuar nga personi i infiltruar, pra nga personi që është ngarkuar me këtë detyrë nga ana e prokurorisë. Provokuesi ka provokuar subjektin që po hetohet dhe në rast se ky subjekt e ka pranuar provokimin është e ndaluar nga ligji që të bëhet një veprim i tillë. Pra, duhet të kemi vullnet nga ana e subjektit duke qenë subjekti ai që kërkon votën nga qytetari,” – u shpreh Rumano.

LEXONI GJITHASHTU:

• Gazetari Dervishi liston precedentët e mëparshëm të Fredi Belerit
• Avokati akuzon Prokurorinë Vlorë: Ka përgjuar Fredi Belerin jashtë kompetencave