Avokati serb godet Putin: Ka qëllim të tensioniojë Ballkanin, të mos e lejojmë

Cedomir Stojkoviç, avokat nga Serbia tha në një intervistë për Euronews Albania se qëllimi i presidentit rus Vladimir Putin është të destabilizojë Ballkanin, gjë që nuk duhet lejuar.

Sipas tij shtetet e Ballkanit duhet të jenë të bashkuara për ta zmbrapsur këtë qëllim të Rusisë që rrezikon jo vetëm paqen në rajon, por edhe në Evropë.

“Kemi parë shumë operativë rusë në Ballkan, sidomos në Veri të Kosovës dhe kemi interesin e Putin që të prodhojë një konflikt dhe përmes kësaj të shantazhojë Evropën ndaj është shumë e rëndësishme të mos e lejojmë këtë, sepse në të kundërt ai do të minojë jo vetëm përpjekjet tona për paqe këtu, por edhe përpjekjet e Evropës për të shpëtuar Ukrainën. Ukraina është një çështje që nuk ka të bëjë vetëm me lirinë e saj, por me lirinë e Evropës. Ndaj s’duhet t’i lejojmë vetes të kemi ndonjë konflikt as në Kosovë, as në Bosnjë dhe as në Mal të Zi. Duke bashkuar forcat me njëri-tjetrin mund ta zgjidhin këtë problem”, tha avokati serb.

LEXONI GJITHASHTU:

• Putin mesazh Vuçiçit: E vlerësojmë politikën e ndjekur nga Beogradi
• Dështimi i Putin është dhe i Vuçiç, eksperti zbërthen mesazhet e presidentit serb