Azerbajxhani Airlines, avioni i së cilës u rrëzua në Kazakistan më 25 dhjetor, tha se një hetim paraprak zbuloi se tragjedia ndodhi “si rezultat i ndërhyrjes fizike dhe teknike të jashtme”, raporton agjencia shtetërore e lajmeve e Azerbajxhanit AZERTAC.

Siç shkruante tashmë Euronews, burime nga qeveria e Azerbajxhanit zbulojnë se rezultatet paraprake të hetimit përcaktuan se sistemi rus kundërajror ka shumë të ngjarë të ketë dëmtuar rëndë avionin e pasagjerëve, dhe këtë e tregon një zyrtar tjetër amerikan për CNN.

Të paktën 38 nga 67 personat në bord vdiqën në përplasje, konfirmuan autoritetet kazake, duke përfshirë dy pilotë dhe një stjuardesë.

Rusia: Avioni u devijua për shkak të mjegullës së dendur dhe paralajmërimit të dronëve ukrainas

Mbikëqyrja ruse e aviacionit Rosaviatsia njoftoi sot se avioni u devijua nga destinacioni i tij fillestar në Grozny për shkak të mjegullës së dendur dhe një paralajmërimi për dronët ukrainas.

Siç shtohet, pas ndryshimit të destinacionit, kapitenit të avionit iu ofruan aeroporte të tjera për ulje, por ai zgjodhi Aktaun e Kazakistanit.

Federata Ruse njoftoi se do të ofrojë mbështetje gjithëpërfshirëse për hetuesit kazakë dhe azerbajxhanas.

Më herët sot, Azerbajxhani Airlines konfirmoi se kishte pezulluar fluturimet nga Baku në shtatë qytete ruse, por vazhdoi fluturimet e rregullta drejt qyteteve më të mëdha të Rusisë, përfshirë Moskën.

LEXONI GJITHASHTU:

• Azerbajxhan Airlines pezullon fluturimet në 7 qytete ruse pas rrëzimit të avionit
• Rrëzimi i avionit në Azerbajxhan, pilotët dhe ekuipazhi nderohen si heronj