Azgan Haklaj sulmon Berishën: Nuk e ka shumicën në PD

Ish-deputeti i Partisë Demokratike, Azgan Haklaj, komentoi nga studio e Euronews Albania situatën e brendshme në Partinë Demokratike.

Haklaj tha se ish-kryeministri Berisha dhe deputetët që e mbështesin atë janë në hall të madh, pasi ndodhen në një krizë politike, diplomatike dhe juridike.

Sipas tij pasi ata nuk kanë shumicën e mbështetjes brenda PD-së, pasi shumica është e heshtur.

“Berisha u bën thirrje turmave siç ka bërë gjithmonë për të realizuar qëllimet e veta personale pasi është në hall të madh. Erdhi me sloganin për hapjen, forcimin dhe bashkimin e PD-së. Kjo gjë nuk ndodhi. Sali Berisha është në hall të madh dhe foltorja është në hall të madh pasi janë në krizë politike, juridike dhe diplomatike. Është në krizë politike pasi zoti Berisha nuk ka shumicën siç pretendon, pasi shumica është e heshtur.

Është në krizë diplomatike pasi askush nuk e njeh dhe është në krizë juridike se gjykata nuk e njeh. Partia Demokratike ka për detyrë të shembë muret e korropsionet të cilat e shpallën non-grata Berishën”, tha Haklaj.

LEXO GJITHASHTU:

• • Azgan Haklaj: Pas Berishës shkojnë figurat që kanë probleme me drejtësinë
  • Hodaj: Nuk presim zgjedhjet për të punuar, fushata për ne nisi që më 26 prill 2021