“Babi vrau mamin”- Si shqiptari mbyti gruan në Itali, telefonata që zbuloi krimin

Një ngjarje e rëndë tronditi mëngjesin e kësaj të mërkure komunitetin në San Felice a Cancello, në provincën e Casertës, Itali.

Një 30-vjeçar shqiptar, i identifikuar si Lulzim Toçi, akuzohet se ka vrarë bashkëshorten e tij, Eleonor Toçi, duke e mbytur gjatë një grindjeje mes të dyve rreth orës 5:00 të mëngjesit.

Tragjedia bëhet edhe më e rëndë nga fakti se krimi ka ndodhur në prani të dy fëmijëve të vegjël, të moshës 4 dhe 6 vjeç, të cilët kanë qenë dëshmitarë të vrasjes.

Pas aktit të brutal, Toçi është drejtuar në shtëpinë e kunatës së tij për t’i kërkuar ndihmë për ta shoqëruar në spital.

Por kjo e fundit nuk e ka besuar dhe ka marrë me videocall nipërit e saj, të moshës 4 dhe 6-vjeç, të cilët i kanë rrëfyer ngjarjen e rëndë: “Babi vrau mamin”

Më pas, motra e viktimës ka njoftuar policinë, e cila ka mbërritur dhe e ka gjetur autorin duke u endur jashtë shtëpisë, në një gjendje konfuze.

Ende nuk dihen motivet që e çuan 30-vjeçarin drejt këtij akti tragjik.

Fëmijët janë duke marrë ndihmën e nevojshme psikologjike dhe sociale nga autoritetet përkatëse pas këtij ngjarje traumatike.

LEXONI GJITHASHTU:

• E rëndë në Itali| 30-vjeçari shqiptar mbyt gruan në prani të fëmijëve të mitur
• E qëllojnë në sy të djalit, vritet në oborrin e banesës 37-vjeçari shqiptar