Babiš: Republika Çeke kundërshton përdorimin e fondeve ruse

Sot, Republika Çeke iu bashkua grupit të vendeve që kundërshtojnë përdorimin e fondeve të ngrira ruse për një kredi për Ukrainën në shumën prej 210 miliardë eurosh, tha kryeministri i sapozgjedhur çek Andrej Babiš.

“Ne pajtohemi me Kryeministrin belg që Komisioni Evropian duhet të gjejë mënyra të tjera për të financuar Ukrainën . Buxhetet tona janë bosh dhe çdo kurorë që kemi duhet t’u drejtohet qytetarëve tanë”, shkroi Babiš në Facebook, raporton Euraktiv.

Ky qëndrim i Republikës Çeke, sipas portalit të Brukselit, mbështet gjithashtu Belgjikën, e cila kundërshton përdorimin e këtyre rezervave si mjet për të ashtuquajturin kredi për dëmshpërblime për Ukrainën.

Bashkimi Evropian më parë votoi për një ngrirje të pakufizuar të aseteve financiare ruse në Evropë, dhe shumica e këtyre aseteve ndodhen në institucionin financiar Euroclear në Bruksel.

Gjithashtu, të premten, Italia, Bullgaria, Hungaria dhe Malta mbështetën qëndrimin belg në lidhje me kredinë .