Balkan Talks/ Problemi me KQZ-në, drejtorja e platformës ‘Civikos’: Po rritet popullariteti i Albin Kurtit

Data e zgjedhjeve parlamentare në Kosovë, 14 shkurti po afron më shpejtësi. Balkan Talks gjatë tre javëve ka sjellë zërat e drejtuesve kryesorë të forcave politike. Në emisionin e sotëm përcjell një pasqyrë të përgjithshme të realitetit politik dhe të perspektivës afatshkurtër të zhvillimit të tyre. Për këtë do të flasin dy hulumtues politikë, znj. Donika Emini, drejtoreshë ekzekutive e platformës ndërkombëtare ‘Civikos’ dhe Z. Agon Maliqi themelues dhe drejtues i platformës ‘Sbunker’.

Kosova ditët e fundit është përfshirë në debate për Komisionin Qendror të Zgjedhjeve. Znj. Emini i sheh përplasjet mes KQZ dhe përfaqësuesve të politikës deri diku si politike.

“Një gjë e cila vlen është që Vetëvendosjes do vazhdojë rrugën ligjore. Përfshirja e presidentes dhe zotit Konjufca është interpretuar si politike. Duke u marrë me këto probleme janë lënë pas gjëra të tjera dhe kjo ka ndihmuar zotin Kurtin që të fitojë popullaritet”, – tha Znj. Emini.

Zoti Maliqi mendon se më në fund po fiton logjika e institucioneve.

“Politika i ka futur institucionet në një krizë të thellë, por logjika e institucioneve ka fituar në këtë rast. Presion ndaj kryetares Daka ka qenë politike për të mos zbatuar ligjin. Partitë po mundohen të bëjnë presion mbi institucionet”,  – shprehet z. Maliqi.

Pas kësaj situate të ndërlikuar ka ndërdyrë pesëshja e Kuintit, të cilët sipas znj. Emini kanë vepruar në kohën e duhur.

“Realisht deklarata më është dukur e balancuar. Kuinti ka qenë një ndërhyrje në momentin e duhur për të ndalur kërcënimet ndaj Dakës dhe për të siguruar zgjedhjet”, – thotë drejtorja e Civikos.