Balla: Berisha në borderotë e Kremlinit, deputetët e PD mos t’i shkojnë nga mbrapa

Kryetari i Grupit Parlamentar të Partisë Socialiste, Taulant Balla ka akuzuar kryedemokratin, Sali Berisha për lidhje me Rusinë, duke thënë se ai është në borderotë e Kremlinit.

Gjatë fjalës së tij në seancën plenare në Kuvend, Balla deklaroi se Berisha e kundërshton projektin për Portin e Durrësit, për interesa të Rusisë.

“Ky është momenti ku ju nuk duhet të vazhdoni t’i shkoni nga mbrapa këngës së Saliut. Këtë këngë e ka nisur Saliu, ju nuk keni lidhje fare. Saliu, or mik, e ka mendjen në vend tjetër. Saliu është në borderotë e Kremlinit dhe natyrshëm që Kremlini nuk ka asnjë lloj interesi që në Shqipëri të zhvillohet një port që të konkurrojë porte të tjera ku Kremlini mund të ketë interesat e veta. Hiqni dorë nga të shkuarit nga mbrapa Saliut symbyllurazi. Saliu e kundërshton këtë marrëveshje për arsye të tjera”, theksoi ai.

LEXONI GJITHASHTU

• Rama për projektligjin për Portin e Durrësit: S’kemi kohë për të humbur
• Kuvendi miraton procedurën e përshpejtuar për Portin e Durrësit