Balla lajmëron takimin në Lion: Arrestimi i Rexhepit, rezultat i rëndësishëm

Ministri i Brendshëm, Taulant Balla përgëzoi arrestimin e Dritan Rexhepit, ndërsa lajmëroi se këtë të hënë do të takohet në Lion me drejtuesit më të lartë të Interpol.

Ai u shpreh se forca e ligjit do të godasë mbi këdo dhe pandëshkueshmëria do të marrë fund.

Njoftimi i plotë:

Forca e ligjit do të godasë mbi këdo dhe pandëshkueshmëria do të marrë fund. Arrestimi i personit më të kërkuar nga drejtësia shqiptare Dritan Rexhepi, falë bashkëpunimit të shkëlqyer të një sërë agjencish ligjzbatuese nga disa vende partnere, është një rezultat i rëndësishëm. Ditën e hënë do të takohem në Lion me drejtuesit më të lartë të Interpol për ta çuar në një nivel tjetër goditjen e krimit të organizuar.

LEXONI GJITHASHTU:

• Nga vrasja e 2 policëve te rrëmbimi i Prengës, kush është trafikanti Dritan Rexhepi
• Arrestimi i Dritan Rexhepit, reagon ministri i Brendshëm i Turqisë