Kryetari i Grupit Parlamentar të Partisë Socialiste, Taulant Balla u shpreh i gatshëm për të biseduar me 3 grupet parlamentare të opozitës për zgjedhjen e presidentit të ri, përpara zhvillimit të konferencës së kryetarëve më 4 maj.
Gjatë një komunikimi me gazetarët nga selia rozë, Balla tha se nëse nuk ka një dakordësi midis grupeve parlamentare të opozitës, do të negociohet me secilën prej tyre.
“Përpara konferencës së kryetarëve më 4 maj, jemi të gatshëm të ulemi me opozitën në çdo moment. Për sa kohë nuk ka një dakordësi ndërmjet palëve të opozitës, ne do të negociojmë me secilin prej grupeve parlamentare të opozitës, Alibeaj, Doda apo Mediu. Nëse do kenë dakordësinë për të ardhur së bashku janë të mirëpritur”, tha Balla.
Ai nënvizoi se mazhoranca nuk ka dëshirë që të zgjedhje një president me votat e saj, por kërkon një proces ku të ketë konsensus sa më të gjerë.
LEXONI GJITHASHTU
