Balla thirrje policisë: Mos u bashkoni “me të fortin e lagjes”, dilni kundër shtetit

Ministri i Brendshëm Taulant Balla i ka bërë thirrje policisë t’i kushtojnë vëmendje qytetarëve dhe të mos bashkohen me “të fortët e lagjes” sepse në këtë mënyrë automatikisht i kundërvihen shtetit.

Gjatë takimit me strukturat drejtuese të Policisë Vendore të Elbasanit ai deklaroi se forcat e rendit duhet të qëndrojnë vetëm në krahun e qytetarëve.

“Jam këtu për t’ju udhëhequr, duke ju dëgjuar, duke ju mbështetur dhe do të zbres vetë të kërkoj përgjegjësinë në çdo zyrë e Komisariat. Kërkoj nga ju angazhim si asnjëherë më parë në Elbasan në luftën kundër krimit. Veshi i shurdhër dhe syri qorr, heshtja bashkëfajtore me të ‘fortët’ e lagjes dhe mosreagimi i forcave të rendit ndaj denoncimeve të qytetarëve, janë rreshtim i Policisë kundër tyre, është kundërvënie ndaj shtetit”, theksoi Balla.

Sipas tij, çdo drejtues apo punonjës në rolin bazë që tradhton Policinë në misionin  e saj, nuk do të ketë vend në radhët blu.

LEXONI GJITHASHTU:

• “Qytetarët duhet të zbatojnë rregullat”, Balla: Nuk më interesojnë gjobat
• Balla takim me strukturat e Policisë në Vlorë: Të garantohet bregdet i sigurtë