Balla thirrje tifozëve: Jo dhunë dhe mjete piroteknike, rrezikojmë penalizimin

Pak orë para ndeshjes me Çekinë, ministri i Brendshëm Taulant Balla ka përsëritur thirrjen drejtuar tifozëve të Kombëtares që të shmangin episodet e dhunës dhe përdorimin e mjeteve piroteknike në stadium.

Përmes një statusi në faqen e vet në Facebook, Balla nënvijëzon faktin se UEFA do të ndëshkojë Shqipërinë të luajë pa tifozë, në ndeshjen e fundit në grupe me Ishujt Faroe, në rast se do të përsëriten akte dhune apo do të përdoren lëndë piroteknike.

“Ndërsa dhe pak orë na ndajnë nga ndeshja e futbollit Shqipëri-Republika Çeke, dua të përsëris thirrjen drejtuar tifozëve të heqin dorë nga përdorimi i flakadanëve, lëndëve piroteknike dhe aktet e dhunës në stadiume duhet të marrin fund. Policia e Shtetit ka ndaluar në disa pika kontrolli grupe tifozësh, në zotërim të materialeve të ndaluara. Kujtojmë se UEFA do të ndëshkojë Shqipërinë të luajë pa tifozë, në ndeshjen e fundit në grupe me Ishujt Faroe, në rast se do të përsëriten akte dhune apo do të përdoren lëndë piroteknike. Duhet zbatim i plotë i rregullave të UEFA dhe ndalim të personave përgjegjës të hyjnë në stadiume!”, shprehet Balla.

LEXONI GJITHASHTU:

• Raklli zbulon çelsin e suksesit të Silvinjos, parashikimi për ndeshjen me Çekinë
• Ndeshja me Çekinë, 22 mijë qeleshe shpërndahen në ulëset e stadiumit