Balluku: Bizneset në Shqipëri janë konkurrues, hapin vende pune e kthejnë emigrantët

Klima e Biznesit në Shqipëri është më favorshme sot, ndërsa në të ardhmen ata do të jenë promotorë për kthimin e emigrantëve. Kështu ka deklaruar zv/kryeministrja Belinda Balluku, në Konferencën Biznes 2030, organizuar nga Ambasada e Suedisë dhe Kombeve të Bashkuara.

“Shqipëria është sot një vend konkurrues për hapjen dhe zhvilimin e një biznesi. Si e tillë, ajo ofron mundësi për shumë investitorë brenda dhe jashtë vendit, njëherazi hap edhe një dritare të për kthimin e emigrantëve.

Ky është një nga argumentet kryesorë që diskutohet në tryeza se si do të vazhdojë jo vetëm në Shqipiëri, por në të gjithë Ballkanin se si do të vazhdojë fluksi i emigracionit”, tha Balluku.

Për ministren e Energjisë dhe Infrastrukturës, biznesi privat ka pasur dhe do të ketë mbështetjen e qeverisë, pasi ai është motor i zhvillimit ekonomik dhe punësimit.

“Qeveria shqiptare synon të inkurajojë investimet në sektorin privat për të ndihmuar në përmbushjen e objektivave të zhvillimit, veçanërisht duke përshpejtuar rritjen e sektorin privat dhe duke krijuar vende të reja pune që janë synimi ynë kryesor”, tha Balluku.

LEXONI GJITHASHTU:

• Balluku inspekton punimet në tunelin e Llogarasë: Do përfundojë në 2024
• Balluku në aksin Orikum-Dukat: Infrastruktura nuk bëhet për arsye elektorale