Balluku inspekton punimet në tunelin e Llogarasë: Do përfundojë në 2024

Zv/kryeministrja, njëherësh ministre e Infrastrukturës dhe Energjisë, Belinda Balluku inspektoi sot ecurinë e punimeve në tunelin e Llogarasë.

Në fjalën e saj, ministra tha se është e rëndësishme që tuneli të përfundoj ashtu siç është premtuar, pra me në qershor të vitit 2024.

“Është shumë e rëndësishme që ky tunel kur të përfundoj, ashtu siç e kemi premtuar, në qershor të 2024, të gjitha veprat infrastrukturore të jugut të Shqipërisë do të jenë të ndërlidhura. Bypassi i Vlorës do të jetë i ndërlidhur si me rrugën e aeroportit, pra ajo rrugë e cila del në autostradën Fier-Vlorë, do të jetë i lidhur edhe me koncesionin Orikum-Dukat dhe Orikum-Dukati do të jetë i lidhur me hyrjen e tunelit të Llogarasë dhe ndërkohë dalja e Palasës do të jetë e lidhur me rrugën Palasë-Dhërmi”, nënvizoi Balluku.

Mes të tjerash ajo theksoi se punimet në këtë tunel plotësojnë kriteret e Bashkimit Europian.

“Ky është një tunel që plotëson të gjitha parametrat e sigurisë rrugore sipas kritereve të Bashkimit Europian dhe me të vërtetë në 2024 Shqipëria do të ketë atë që unë e quaj diamanti, xhevahiri i kurorës së infrastrukturës së Shqipërisë, pra tunelin e Llogarasë”, tha Balluku.

LEXONI GJITHASHTU: 

• VIDEO| Momenti kur Habib Rexha largohet pas vrasjes në lokalin në Kavajë
• Përmbytjet në Itali, qeveria miraton paketën 2 mld euro për personat e prekur