Balluku e Manastirliu filmohen aty ku opozita diskuton kandidatin për Tiranën

Zv.kryeministrja Belinda Balluku dhe kandidatja e socialistëve për Bashkinë e Tiranës, Ogerta Manastirliu, ndodheshin këtë të shtunë në të njëjtin ambient ku opozita po zhvillonte një takim për të zgjedhur kandidatin e saj për kryeqytetin.

Kamerat kapën momentin kur rastësia bëri që në të njëjtin ambient në Rogner të ndodheshin dhe socialistët dhe demokratët duke bërë përgatitjet për garën e Tiranës.

Sipas burimeve nga takimi i opozitës, Flamur Noka, Belind Këlliçi dhe Ilir Alimehmeti zhvilluan bisedime me Fatmir Mediun dhe Agron Dukën, për të diskutuar emrin e kandidatit të mundshëm për Bashkinë e Tiranës.

Në një prononcim për mediat, Manastirliu sqaroi se qëndrimi i saj në Rogner ishte pjesë e një takimi për fuqizimin e grave dhe vajzave, duke deklaruar: “Ishim në një takim për fuqizimin e grave dhe vajzave”.

Ndërkohë, zv.kryeministrja Balluku, e cila drejton fushatën e PS-së në Tiranë, u shpreh: “Shumë mirë, ne e kemi kandidatin e Tiranës. Suksese për ata të PD, pasi ata janë dhe të zotët shumë”.

 

View this post on Instagram

 

A post shared by Euronews Albania (@euronews_albania)

• Të enjten mbledhja e qeverisë ku pritet të shkarkohet ligjërisht Erion Veliaj
• Kush janë 4 këshilltarët e PS që nuk morën pjesë në shkarkimin e Veliajt