Zëvendës-kryeministrja, Belinda Balluku, ka kryer një inspektim këtë të enjte, në zonën e Rradhimës për zbatimi e aktit normativ numër 8 që ka qëllim përmirësimin e infrastrukturës, për trajtimin e ujërave të ndotura që shkarkohen pranë ose në ujëra të detit.

Ajo tha se rritja e numrit të turistëve pati një impakt negativ në pastërtinë e ujërave larës. Sipas saj kjo ishte e pritshme për qeverinë prandaj kanë krijuar 5 grupe për kontrollin e bizneseve që operojnë pranë ujërave të detit.

“Nga raporti i fundit kemi parë që numri i shtuar i vizitorëve të vitit të kaluar ka ndikuar në uljen e përqindjes së ujërave larës të kualifikuar si të shkëlqyera, gjë të cilën ne e kishim planifikuar dhe pse raporti nuk kishte dal akoma pasi kishim indiciet e para, pasi kemi kuptuar që ai numër i shtuar i turistëve vitin e kaluar duhet të kishte dhe një impakt.

Bazuar në aktin normativ ne kemi nisur prej kohësh punën për të vendosur një rregull i cili ka të bëjë me të gjithë industrinë e turizmit jo vetëm atë të hotelerisë.

Përmes 5 grupeve që kemi në teren jemi duke kryer kontrolle të vazhdueshme për të implementuar kërkesat e këtij akti normativ, i cili ka qëllim marrjen e masave urgjente, për mbrojtjen dhe përmirësimin e infrastrukturës, për trajtimin e ujërave të ndotura që shkarkohen pranë ose në ujëra larëse”, tha Balluku.

LEXO GJITHASHTU:

• Mblidhet Forumin i Gruas të PS/ Balluku: Do favorizojmë gratë e vajzat në vështirësi
• Mbyllet Konferenca Europiane e Interpolit në Tiranë, Balla: Shkëmbyem njohuri