Bandat liruan rreth 4,000 të burgosur, Haiti shpall gjendjen e jashtëzakonshme

Qeveria e Haitit ka shpallur gjendje të jashtëzakonshme 72-orëshe pasi bandat e armatosura sulmuan një nga burgjet më të mëdha në vend duke çuar në vrasjen e të paktën 12 personave dhe arratisjen e rreth 4,000 të burgosurve.

Në mesin e të arrestuarve ishin anëtarë të bandës të akuzuar për vrasjen e presidentit Moïse në vitin 2021.

Kryengritja e radhës filloi të enjten, kur kryeministri udhëtoi për në Nairobi për të diskutuar dërgimin e një force sigurie shumëkombëshe të udhëhequr nga Kenia në Haiti.

Drejtuesit e bandave thonë se duan të detyrojnë  që kryeministri të dorëhiqet, i cili aktualisht ndodhet jashtë vendit.

Grupet që synojnë ta rrëzojnë kryeministrin  kontrollojnë rreth 80% të kryeqytetit. Që nga vitit 2020 Luftërat e dhunshme të bandave kanë vrarë mijëra në vend.

Dhuna në këtë shtet ka nisur të përhapet  që nga vrasja e Presidentit Moïse. Ai nuk është zëvendësuar dhe zgjedhjet nuk janë mbajtur që nga viti 2016. Në janar, OKB-ja tha se më shumë se 8,400 njerëz kane rene viktima të dhunës së bandave të Haitit duke përfshirë vrasjet, plagosjet dhe rrëmbimet.

LEXONI GJITHASHTU: 

• Skandali i radhës në ‘Formula 1’, Presidenti i FIA’s nën hetim
• UNICEF: 5500 foshnja që pritet të lindin muajin e ardhshëm, rrezikojnë vdekjen