Skandali i radhës në ‘Formula 1’, Presidenti i FIA’s nën hetim

Presidenti i FIA’s, Mohammed Ben Sulayem është vënë nën hetim për ndërhyrje në rezultatin e një gare në Formula 1.

Sipas BBC që ka lexuar një raport nga komisari i garës, Paolo Basarri, Ben Sulayem ka tentuar të anullojë një vendim kundër Aston Martin dhe Fernando Alonso’s një vit më parë në Arabinë Saudite.

I kontaktuar nga media, Komiteti i Etikës në FIA, nuk ka komentuar për të mos ndërhyrë në hetimin që po zhvillohet. Ajo cka BBC ka mësuar është një telefonatë e Ben Sulayem drejt zëvendësit të tij Sheikh Abdullah bin Hamad bin Isa Al Khalifa duke i kërkuar revokimin e penalltisë për Alonso’n.

Heqja e penalitetit prej 10” për ndërhyrje në makinë kur ai po kryente një penalitet tjetër prej 5”, bëri që spanjolli të ngjitej në podium pas çiftit të Red Bull, Sergio Perez-Max Verstappen.

LEXONI GJITHASHTU:

• Starton ‘Formula I 2024’, Toti zbulon çfarë pritet të ndodhë: Sa shanse ka Ferrari
• Red Bull dominon garën e parë të Formula 1