Banesa në Berat përfshihet nga flakët, shkak bombula e gazit

Një banesë një katëshe në lagjen “Barrikadë”, prapa shkollës 9-vjeçare, ‘Zihni Toska’ në Berat, është përfshirë sot nga flakët.

Menjëherë pas njoftimit, në vendngjarje shkuan grupet e shërbimit zjarrëfikës, të cilët me ndihmën e forcave të policisë bën të mundur nxjerrjen e banorëve nga banesa, pa lëndime.

4 mjetet zjarrëfikëse dhe 15 zjarrëfikësit mundësuan fikjen e zjarrit brenda një kohe të shkurtër si dhe shpëtimin e banesave që ishin shumë pranë me banesën që po digjej.

Si pasojë e zjarrit u dogj plotësisht një nga dhomat e banesës në pronësi të shtetasit Bastri Arapi, ndërkohë që fatmirësisht nga zjarri nuk ka pasur asnjë të lënduar. Sipas shërbimit zjarrëfikës Berat, zjarri u shkaktua nga një bombul gazi, që rridhte.

LEXONI GJITHASHTU: 

• Çmimi i pronave rritet 30%, faktorët: Shtrenjtimi i krahut të punës e lëndës së parë
• A do rikthehet me detyrim shërbimi ushtarak në Shqipëri? Flet ish ministri Lleshaj