Banka Botërore “rrëzon” hartën e 2014: Decentralizimi përkeqësoi shërbimet rurale

Partia Demokratike nuk është e vetmja që ka kontestuar reformën territoriale të 2014-ës, edhe pse në kohën kur u ndryshua harta administrative nuk morën pjesë në proces duke e bojkotuar.

Banka Botërore gjithashtu, ka evidentuar një sërë problematikash në funksionimin e kësaj ndarje të re.

“Fillimisht, fryma e kësaj nisme ishte pozitive, por zbatimi i saj ka qenë i gabuar, pasi rezultoi në shërbime publike të mangëta në zonat me nevoja të mëdha, analizoi Banka Botërore në dokumentin e ri të bashkëpunimit me Shqipërinë 2023-2027”, thuhet në raportin e BB.

Sipas analizës dhe gjetjeve të bankës, furnizimi me ujë, kanalizimet, menaxhimi i mbetjeve, arsimi, kujdesi për fëmijët dhe reagimi ndaj fatkeqësive natyrore u përkeqësuan.

Autoritetet vendore me reformën e re të  decentralizimit që solli reduktimin në 61 bashki, dhe shkriu 340 komuna, sipas kësaj analize kanë rezultuar të paaftë për të rritur kapacitetin financiar dhe për të menaxhuar shërbimet e tyre.

Ofrimi i shërbimeve publike rezulton të jetë i mangët kryesisht në zonat rurale, duke ndikuar në krijimin e pabarazive

Banka Botërore ka planifikuar në marrëveshjen e re të bashkëpunimit 2023-2027  mbështetje për menaxhimin e ujit dhe mbetjeve, modernizimin e sektorit të ujit me fokus qëndrueshmërinë dhe furnizim të rregullt.

LEXONI GJITHASHTU:

• Reforma territoriale, Bejko: PS po bie në kontraditë me veten, pse duam 94 bashki
• Reforma territoriale, Mziu: Harta është bërë sipas orekseve të Ramës