Zyrtarët e qytetit Mariupolit akuzojnë forcat ruse se kanë transportuar mijëra vendas përtej kufirit javën e kaluar, kundër vullnetit të tyre.
Një zyrtar, Pyotr Andryuschenko, i tha New York Times se 4.000 deri në 4.500 banorë ishin zhvendosur në Tangarog, një qytet në rajonin e Rostovit që kufizohet me cepin juglindor të Ukrainës. Ai shtoi se ata ishin transportuar pas pasur pasaporta me vete.
Një burrë ukrainas tha gjithashtu se kishte qenë në kontakt me tre familje që ishin zhvendosur me forcë.
“Tani rusët po kontrollojnë nëpër bodrume dhe nëse ka njerëz që kanë mbetur atje, ata i çojnë me forcë në Taganrog”, tregoi Eduard Zarubin, një mjek që u largua nga qyteti në fillim të kësaj jave.
Ministria ruse e Mbrojtjes tha të premten se mijëra ukrainas dëshironin të iknin në Rusi dhe qeveria e saj po i ndihmonte ata.
Qyteti i Mariupol është aktualisht skena e betejave intensive midis trupave ruse dhe ukrainase. Qyteti është bombarduar vazhdimisht gjatë dy javëve të fundit dhe zyrtarët lokalë thonë se 2400 njerëz kanë humbur jetën.
LEXONI GJITHASHTU:
- Dhjetëra viktima nga bombardimet në Ukrainë, mbi 6 mijë evakuime të shtunën
- Rusët sulmojnë shkollën në Ukrainë, rreth 400 persona të strehuar në të
- Australia ndalon eksportet e aluminit drejt Rusisë
