Banorët e pallatit në ‘Astir’ thonë se ashensori ka pasur probleme të vazhdueshme

Dy persona janë shoqëruar në polici për ngjarjen e sotme, ku mbetën të plagosura dy gra si pasojë e shkëputjes se ashensorit në një pallat në zonë e “Astirit” në kryeqytet.

Gazetarja e Euronews Albania, Anisa Krraba thotë se të shoqëruarit janë administratori i pallatit dhe përgjegjësi i ashensorit.

Banorët theksojnë se momenti i përplasjes së ashensorit është shoqëruar me zhurmë të madhe.

“Zhurma është dëgjuar dhe nëpër shkallët e tjera”, tha një nga banorët e këtij pallati.

Ndërkohë të tjerë shprehen se ka pasur raste, që kanë mbetur të bllokuar në këtë ashensor.

“Unë kam ngelur dy herë brenda, por e kanë hapur punëtorët”, tha një e moshuar.

LEXONI GJITHASHTU:

• Shkëputet ashensori në një pallat në “Astir”, plagosen dy gra