Banorët e prekur nga tërmeti në Durrës po ndërtojnë vetë shtëpitë 

Prej 23 vitesh në Itali, Dashuria dhe Amni Hoxha, menduan të blinin një apartament në qytetin e tyre, Durrës. Por tërmeti i 26 nëntorit, ia ndryshoi planet.

“Vendosëm se vijmë gjatë muajve të verës, që të vijnë nipër e mbesa, të bëjnë pushime në vend të vet, ngelën të varfrit atje,” – thanë ata, ndërsa sot po e rindërtojnë vetë apartamentin.

Kanë përfituar 5 milion lekë të vjetra nga shteti, por kostot janë shumë më të larta.

Nuk i kanë përjetuar lëkundjet e 26 nëntorit. Fati deshi që atë ditë të ishin në fluturim për në Itali. Amniu përlotet kur kujton mundin e një jete të hedhur poshtë.

“Është fatkeqësi, nuk ngarkoj asnjë për këtë janë punët e Zotit, por shteti zero, është i pafuqishëm, këtu nuk e di, nuk ekzistonka, se kam ditur kështu,” – tha ai.

LEXONI GJITHASHTU:

• Kontroll ndërtesave pas tërmetit, procesi do kushtojë 8 milionë euro
• Banorët kundër prishjes së pallatit të dëmtuar nga tërmeti: S’ka dëme në strukturë
• Shkolla e dëmtuar nga tërmeti, nxënësit në Peqin ecin 4 km për të bërë mësim