Banorët e Thethit kundër shembjes me tritol, kontaminon ujin e pijshëm

Ndryshe nga sa u raportua një ditë më parë për përfundimin e aksionit të IKMT për shembje, në Theth po vijon edhe këtë të martë aksioni.

Kjo godinë 3 katëshe prej mëngjesit të së martës është rrethuar me policisë dhe nga forcat e ushtrisë .

Në pamundësi për shembje me fadrome, forcat e ushtrisë do kryejnë shpërthim të telekomanduar , për ti dhënë fund në këtë mënyrë aksionit të shembjeve në Theth.

Banorët thonë që kjo shembje mund të rrezikojë të gjithë zonën, bujtinat përreth por mbi të gjitha mund të dëmtojë ujin që rrjedh në “Kronin e Micanit” burim që furnizon të gjithë banorët dhe gjithashtu një zonë e njohur turistike.

Pavarësisht kësaj aksioni do të vijojë ndërsa paraprakisht nga forcat e ushtrisë po ndërhyhet në godinë për të minimizuar dëmet.

Në total që nga nisja e këtij aksioni për shembjen e ndërtimeve pa leje janë shembur mbi 70 objekte ndërsa në vijim pritet që forcat e ushtrisë të zbarkojnë në Theth për pastrimin e inerteve, sipas urdhërit të kryeministrit Rama .