Barcelona është fituesja e Superkupës së Spanjës pasi mposhti në finale Realin e Madridit me rezultatin 3-1.
Katalanasit dominuan plotësisht 90 minutëshin, duke mos i dhënë asnjë mundësi reagimi madrilenëve. Të besuarit e Çavit gjetën dy herë rrjetën në pjesën e parë, fillimisht me Gavin dhe më pas me Levandovskin.
Pjesa e dytë ishte gjithashtu një pasqyrim i fraksionit të parë, me Barcelonën edhe më kërkuese. Goli i tretë për blaugranët do të vinte nga këmbët e mesfushorit Pedri, si një shpërblim për paraqitjen e jashtëzakonshme. Madrilenët u zgjuan vonë, në minutat shtesë, shënuan golin e vetëm me Benzema.
Kjo është hera e 14-të që Barcelona fiton Superkupën e Spanjës, ndërsa është trofeu i parë i epokës Çavi si trajner. Hera e fundit që blaugranët fitonin ishte viti 2018, ndërkohë tashmë rikthen pas 5 vitesh.
Ndeshja finale u zhvillua në kryeqytetin e Arabisë Saudite, Rijad, në një stadium me afro 58 mijë të pranishëm.
LEXONI GJITHASHTU