Barcelona fitore me mungesa, Champions League njeh 2 çerekfinalistë të tjerë

UEFA Champions League ka njohur dy skuadrat e tjetra çerekfinaliste dhe ato janë Barcelona e Arsenali. Katalanasit triumfuan në sfidën me Napolin, duke treguar identitet edhe pse vinin me shumë mungesa në këtë sfidë, në anën tjetër topçinjtë e patën shumë të vështirë ndaj Portos, teksa u desh goditja e penalltive.

Në Barcelona, ekipi vendës zhvilloi një paraqitje pozitive edhe pse me andrime në formacionin titullar. Skuadra e Xavit reagoi mjaft mirë ndaj një kundërshtari që vinte pas barazimit 1-1 në shtëpi. Rezultati u zhbllokua shpejt në minutën e 15 me Fermin Lopes, më pas ishte Cancelo që dyfishoi shifrat për blaugranët. Napoli reagoi me Amir rrahmanin në minutën e 30, ku qendërmbrojtësi si një sulmues, realiozi një gol të bukur, duke rikthyer në lojë miqtë. NË fraksionin e dytë ishte polaku Lewandowski i shërbyer nga kapiteni Roberto dhe me portën bosh ndali sferën në rrjetë duke hipotekuar fitoren dhe kualifikimin më tej.

Në Emirates gjërat ishin më të vështira për vendësit e Mikel ARtetës, të cilët gjetën avantazhin me Trossard në fundin e pjesës së parë. Miqtë nga Portugalia u mbrojtën mirë, ndërsa koha e rregullt nuk pati më gola, duke bërë që në llogari të hynin penalltitë. Nga pika e bardhë Arsenal ii shënoi të gjithë, në anën tjetër Pepe dhe Galeno shpërdoruan mundësitë, duke i dhënë të drejtën britanikëve të kalojnë më tej, teksa të premten do të njohin kundërshtarin e radhës.