Barcelona kundër Madridit, shpenzon miliona për të qëndruar në F1

Barcelona do të shpenzojë 50 milionë euro për të qëndruar në kalendarin e Formula 1. Kjo pas lajmeve të fundit se Liberty Media po mbështet projektin rival në Madrid pas vitit 2026, i fundit në kontratën aktuale të Barcelonës. Formula 1 nuk e përjashton qëndrimin në Katalonjë por ndoshta do të duhet që kjo të alternohet me një tjetër cirkuit evropian.

Ndërkohë në Madrid janë optimistë për debutimin në vitin 2027. Drejtori i cirkuitit katalanas, Josep Lluis Santamaria ftoi mediat gjatë kësaj jave për të ndjekur punimet për rinovimin të cilat do të arrijnë shumën e 50 milionë eurove.

Jo vetëm Formula 1 por edhe MotoGP është në objektivat e rikonfirmimit në Barcelonë. Gjithçka sipas modelit të Shteteve të Bashkuara që ka 3 pista në calendar. Një grup inxhinierësh nga F1 kanë inspektuar punimet e fundit dhe do të hartojnë një raport për drejtorin Domenicali.

LEXONI GJITHASHTU:

• F1 në Euronews Albania- Ndiqni Australian GP në datat 23-24 Mars
• Horner vlerëson paraqitjen e Verstappen në Bahrein
• Verstappen mundi Leclerc për të 1’in “pole position” të sezonit 2024