Bardhi-Ballës: Ke ndërhyrë te një prokuror i SPAK për pronat e babait të Suel Çelës

Kreu i Grupit Parlamentar të PD-së, Gazment Bardhi, ka replikuar me kreun e Grupit Parlamentar të PS-së, Taulant Balla. Bardhi ka akuzuar kreun e grupit të PS-së për ndërhyrjen që, sipas tij, ai ka bërë pranë një prokurori të SPAK.

Bardhi: Të flas për ndarje pushtetesh njeri që është kapur në përgjimet e SPAK që ndërhynte për të liruar pronat e sekuestruara të babait të Suel Çelës, ky është fundi i botës. Është në përgjimet e SPAK si njëri që ndërhyn te prokurori i SPAK dhe drejtori i përgjithshëm i policisë. Drejtuesi i SPAK sot ka detyrë që atë dosje të mbajtur të fshehur, a të fjetur, ta çojë para, se shqiptarët duhet të dinë kush vjen në këtë foltore e bën teatër me ndarje pushtetesh. Ju doni Kushtetutën e Republikës së Korrupsionit, jo atë të Shqipërisë.