Bardhi: Kishte skenar të mbyllej seanca pa debat, Balla u çoi mesazh deputetëve

Kreu i grupit parlamentar të Partisë Demokratike, Gazment Bardhi tha në  një deklaratë për mediat jashtë ambienteve të Kuvendit se mazhoranca kishte një skenar paraprak për të mbyllur pa debat seancën duke mos lejuar opozitën të flasë.

Bardhi sulmoi kreun e Kuvendit, Niko Peleshi si një njeri që “zbaton urdhrat e Taulant Ballës”.

Ky i fundit sipas tij u ka çuar një mesazh deputetëve të cilin gabimisht nuk e dërgoi në grupin e PS por të Konferencës së Kryetarëve.

“Peleshi zbaton urdhrat e Taulant Ballës. Skenari ishte ndërtuar shumë kohë përpara. Gabimisht Taulant Balla në vend që të shkruante tek grupi Parlamentar i PS në WhatsApp, ngatërron grup dhe e dërgon tek grupi i Konferencës së kryetarëve, ku urdhëron drejtuesit e komisioneve që të kujdesen për të sjellë në sallë deputetët e PS, pasi skenari ishte ndërtuar që të ndërprisnin debatin”, tha Bardhi.

Mesazhi i Taulant Ballës:

LEXONI GJITHASHTU:

• Debatet në Kuvend, Peleshi përjashton nga seanca Gazment Bardhin
• Konferenca e Kryetarëve/ Bardhi-Peleshit: Se e mban dot atë karrige, lërojani Ballës