Basha nis sot takimet për rikthimin, 2 grupet e PD-së mbledhje në të njëjtën kohë

Kjo e mërkurë, 24 maj, pritet të jetë një ditë mjaft e ngarkuar për Partinë Demokratike zyrtare dhe Komisionin e Rithemelimit.

Bëhet me dije se ish-kryeministri Berisha pritet të mbledhë në orën 13:00, në selinë blu, grupin parlamentar të Rithemelimit.

Sakaq, po në të njëjtën orë, Partia Demokratike zyrtare pritet të mbledhë edhe ajo grupin e saj parlamentar në selinë e re të PD-së.

Por ajo që bie në sy është rikthimi i ish-kryedemokratit Lulzim Basha, i cili pritet të mbajë një takim me të rinjtë e Partisë Demokratike.

Burime bëjnë me dije se takimi është planifikuar të mbahet në orën 17:00 në hotel Rogner, në kryeqytet.

LEXONI GJITHASHTU:

• Gazetari: Berisha e dinte që nuk fitonte, i realizoi synimet e qarta të tij
• Si PS fitoi Shkodrën? Berisha: Rama e donte me çdo kusht, vendosi paqe mes 5 bandave