Basha takime te “21 Dhjetori”: Lufta ndaj korrupsionit prioritet kryesor i PD

Kryetari i Partisë Demokratike Lulzim Basha, ka zhvilluar këtë të shtunë takime me qytetarët e Tiranës në lagjen e “21 Dhjetorit”.

Gjatë bisedave të rastësishme me banorë dhe sipërmarrës, Basha theksoi se rënia e fuqisë blerëse dhe papunësia e kanë vështirësuar jetën e qytetarëve.

Kreu i PD theksoi se shkak i varfërisë së shqiptarëve është korrupsioni, lufta ndaj të cilit është një prioritet kyç i PD.

“Rritja e çmimeve, rritja e taksave, rënia e fuqisë blerëse dhe papunësia e lartë, e ka vështirësuar jetën e tyre, sidomos të pensionistëve.

Shqetësimet e qytetarëve dhe biznesit lidhen edhe me çmimin e naftës, gazit, energjisë. 1 në 3 familje nuk kanë mundësi të përdorin naftën, gazin apo energjinë elektrike për transport, ndriçim apo ngrohje gjatë dimrit, duke e bërë edhe më të vështirë situatën për mijëra familje.

Paratë që duhet të shkonin te qytetarët, sot përfundojnë në xhepat e një grushti oligarkësh të lidhur me qeveritarë të korruptuar.

Shqipëria më e varfëra në rajon, renditet ndër vendet më të korruptuara të botës.

Prandaj lufta kundër korrupsionit është për Partinë Demokratike prioriteti kryesor. Ne mbështesim dhe inkurajojmë SPAK-un t’i shkojë deri në fund ndëshkimit të zyrtarëve dhe ish-zyrtarëve të korruptuar që po varfërojnë dhe zbrazin Shqipërinë”, tha Basha.

LEXONI GJITHASHTU:

• Basha me zv/presidentin e IRI: Lufta kundër korrupsionit prioritet, mbështesim SPAK
• Basha me delegacionin e Kosovës në KiE: Hetimi i plotë i Basnjkës, i domosdoshëm
• Basha takime me fermerët në Baldushk: Bujqësia duhet të jetë prioritet i çdo qeverie