‘Bashën do e kapnin për leckash’, Berisha: Dogji mandatet si Musolini

Kryetari i Partisë Demokratike, Sali Berisha deklaroi se kryeministri Edi Rama e ekzekutoi brenda një dite vendimin për djegien e mandateve të Partisë Demokratike dhe jo brenda 3 javëve siç e kishte ligji.

Në emisionin “Now” në Euronews Albania, Berisha nënvizoi se ish-kryedemokrati Lulzim Basha, kreu një akt si partia e Musolinit në Itali.

“Edhe ai donte të mi linte pushtetet në 2007-ën, donte të mos hynte në zgjedhjet lokale.  Nuk ia mora unë, sepse ai ishte monizmi. Monizmin e vendosi me pasonin më të madh. Kush e linte Lulzim Bashën jashtë Parlamentit nëse ky nuk ekzekutonte brenda 24 orëve djegien e mandateve, në një kohë kur ligji e kishte 3 javë.

Askush nuk e linte Lulzim Bashën, e kapnin për leckash. Kreu një akt, të kryer vetëm një herën në vitin 1924 nga partia e Musolinit, nuk kryhej ai akt”, theksoi ai.

LEXONI GJITHASHTU

• ‘Do ta çoni si cjapi te kasapi opozitën’, Bushati replika me Berishën
• “Veliaj ka krijuar 1200 shoqata për votat”, Berisha bën denoncimin e fortë
• “Demokracia do asgjësohet”, Berisha paralajmëron skenarin e Vietnamit