Baton Haxhiu: Kosova po tregon se është njëlloj Amerike e shqiptarëve

Lumir Abdixhiku është zgjedhur kryetari i ri i Lidhjes Demokratike të Kosovë dhe për Andi Bushatin dhe Baton Haxhiun është një lajm i mirë për skenën politike në Kosovë.

Bushati tha se zhvillimet në Kosovë janë pozitive në dallim me vendet e tjera të Ballkanit Perëndimore ku ka riciklim të klasës politike.

Nga ana tjetër analisti shprehur vlerësim dhe për emrin e kreut të ri të LDK pasi e konsideroi atë “figurë të plotësuar”.

Andi Bushati deklaroi se fitorja e Lëvizjes Vetëvendosje, një parti antisistem i ka detyruar të gjitha partitë e tjera që të përshtaten.

“Lajm i mirë sepse në Kosovë po shihet një gjë që mungon pothuajse në të gjithë Ballkanin. Është një lajm i mirë pasi Abdixhiku është një figurë e plotësuar dhe ka treguar një karakter me qëndrime e mbajtur dhe me prishjen e koalicionit me VV”, tha z. Bushati.

Dhe për Baton Haxhiun zhvillimet e fundit në politikën e Kosovës janë optimiste duke e cilësuar madje Kosovën si një “Amerikë të shqiptarëve”.

Sipas z. Haxhiu kryetari i ri i LDK-së nuk është rastësisht në atë pozicion dhe e konsideroi një person të plotësuar.

“Kjo është një frymë e arritjes së VV që është shpërndarë dhe në LDK. Kosova po tregon se është njëlloj Amerike e shqiptarëve. Kjo ndodhi për një arsye të vetme sepse lidershpi i LDK nuk kishin guxim të votonin këdo tjetër përveç Abdixhikut. Ka nxjerr një lider që do të jetë kundërshtari më i madh i Kurtit dhe Osmanit”, përfundoi Baton Haxhiu.