“Meta dhe Berisha armiqtë më të dobishëm të Ramës”, Haxhiu: Strategji për të tërhequr të pavendosurit

Pavarësisht se fushata elektorale nuk ka nisur zyrtarisht, kryeministri Edi Rama ka intensifikuar sulmet kundrejt opozitës, pa anashkaluar këtu presidentin Meta dhe ish-kryeministrin Sali Berisha.

Analisti Baton Haxhiu thotë se shefi i qeverisë sulmon këto dy figura pasi qytetarët nuk i duan më të pranishëm në skenën politike.

I pranishëm në emisionin “Shock” nw Euronews Albania, z. Haxhiu shprehet se strategjia politike e shefit të mazhorancës bazohet mbi dy arsye:

“Meta dhe Berisha janë personazhe të jetës politike shqiptare që e kanë arritur pikën kulminante..që elektorati shqiptar nuk i do të jenë pjesë e politikës, për shkak se këto personazhe janë të tilla, Rama i godet për dy arsye: Meta mund të mobilizojë socialistët të dalin në zgjedhje. E dyta, Berisha mund të mobilizojë të papërcaktuarit që të dalin në zgjedhje dhe të votojnë për PS. Të dy këta janë armiqtë më të dobishëm të Edi Ramës për momentin. Basha nuk inspiron shumë në betejë, dhe duke bërë palë Berishën dhe Metën i tërheq të pavendosurit nga vetja”, tha Haxhiu.