3 fitore në po aq ndeshje të luajtura, Bayerni i Mynihut ka një nisje perfekte në kampionatin gjerman të futbollit.
Në sfidën e së shtunës regjistroi një triumf të thellë ndaj Holstein Kiel në transfertë, një kundërshtar që këtë sezon u ngjit në elitën e futbollit gjerman. Minutat e para ishin të vështira për vendësit, të cilët gabuan 3 momente duke pësuar 3 gola. Musiala zhbllokoi rezultatin e pas tij Kane dyfishoi me Remberg që realizoi autogol. Në fraksionin e parë Kane shënoi sërish me skuadrat që shkuan në dhomat e zhveshjes në shifrat 0-4.
Olise shënoi të pestin, ndërsa vendësit reaguan me Gigovic, për t’i lënë vendin bomberit anglez të hipotekonte tripletën personale e vuloste fitoren 1-6 të bavarezëve. Bayern ka 9 pikë në 3 javët e para, duke lënë pas kampionët në fuqi të Leverkusen apo Dortmund, Leipzig e Heidenheim.
Kampionët në fuqi të Bundesligës, Leverkusen fituan në transfertë 1-4 ndaj Hoffenheim, në një tjetër paraqitje të dominuar plotësisht. Triumf dhe për Shtutgart, Freiburg, e Frankfurt, ndërsa dueli Leipzig-Union Berlin u mbyll me rrjeta të paprekura.
LEXONI GJITHASHTU:
- Bayern refuzon ofertën për De Ligt, Manchester United kërkon me ngulm lojtarin
- Bayerni zyrtarizon sulmuesin Olise, në pritje të nënshkrimit me Palhinha
