2 humbje radhazi në Champions nuk tolerohen për Bayernin e Mynihut, i cili synon me patjetër fitoren ndaj Benficës në mbrëmje. Drejtuesit e klubit kanë vendoësur ultimatum trajnerit Kompany dhe lojtarëve, ku koha e provës ka mbaruar dhe skuadra duhet të rikthehet tek fitoret, e Benfica është mundësia më e mirë.
Një skuadër ku në përballjet e fundit, gjermanët i kanë shënuar 9 gola, por këtë vit duken se llogaritë nuk bëhen aq lehtë. Krahas Bayernit, në fushë sot zbresin dhe ekipe si Barcelona, Interi, Arsenali apo PSG.
Dueli më interesant dhe që premton spektakël është ai në Meazza ku zikaltrit sfidohen nga Arsenali, në një 90 minutësh që duket i barabartë. 2 nga skuadrat me mbrojtjen më të mirë të kompeticionit do të provojnë ti bëjnë keq njëra-tjetrës, por dueli i fundit direkt mes tyre daton 2 dekada më herët. Asokohe ishin topçinjtë që me një yll si Henry avanconin më tej. NË duelin e sotëm nuk ka favoritë, por fusha do konfirmojë më të mirin.
Barcelona e Flick ka një test deri diku të lehtë, në Serbi ndaj Crvena Zvezda, një kundërshtar dukshëm i një niveli të ulët në krahasim me të mëparshmit, e një mundësi për blaugranët të marrin pikët e radhës. PSG nuk është në pozitat e duhura, por do të provojë ti forcojë më tej ato në duelin me Atletico Madrid, që luhet në Parkun e Princave. Kjo është sfida e parë mes tyre në kuadër të Champions. Në orën 18:45 luhen Club Brugge-Aston Vila e Shakhtar-Young Boys. Feyenoord-Salzburg, Sparta Prague-Brest dhe Stuttgart-Atalanta janë ndeshjet përmbyllëse të raundit të katërt në fazën e ligës.
LEXONI GJITHASHTU:
- Po transportonte 32 kuti me ilaçe kontrabandë, procedohet 55-vjeçari nga Berati
- Përmbytje në Francë dhe Itali, reshjet masive bllokojnë transportin në disa qytete
